Ce fichier contient plusieurs milliers de familles depuis le 16e siècle ! Jacques Blaquière est un chercheur qui a plus de trente ans d'expérience quotidienne en généalogie scientifique.
Par devant Gilles Rageot notaire gardenottes du Roy nostre sire en la prevosté de Quebecq en la Nouvelle Frances furent presents en leurs personnes Estienne Jullinau demeurant au Recollets paroisse de Nostre Dame de cette ville veuf de deffuncte Uguette Robert d'un part Et Marie de Beauregard veufve de deffunct Bastien Langelier de la baroisse de Sainct Michel de Sillery dioceze de cette ditte ville pour elle et en son nom d autre part Lesquelles partyes de leur bon gréz et vollontez en la presence et consentement de leurs amys pour ce assemblez de part et d autre scavoir de la part dudit Jullineau de Jean Fortuneau Louis Lefebvre sieur Battenville bourgeois de cette ville et d Antoine Regnault ses amys Et de la part de ladite De BeauRegard de Pierre Augrand et Marguerite Andrieu sa femme et de Robert LeClerc aussy ses amys d autre part Ont faict et accordé leur traitté et promesses de mariage qui ensuivent C est a sçavoir ledit Jullineau avoir promis et promet prendre pour sa femme et legitime espouze ladite de Beauregard comme aussy ladite De Beauregard le promet prendre pour [mots rayés] son mary et legitime espoux Icelluy mariage faire et sollemniser en face de nostre mere saincte esglise catholique apostolique et romaine le plustost que faire ce pourra et qu il sera advisé et desliberé entreux pour estre uns et communs en tous biens meubles conquests immeubles suivant la coustume de ce pays Seront Marieanne Langelier aage de quatre ans et demy et Vincent Langelier aage de cinq mois enfens dudit deffunct Langelier et de ladite future nouris et entretenus au despens de la communaute jusque a l aage de quinze ans ou d estre pourvues par mariage et tant qu'il le voudront en servant a ladite communauté Se prennent lesdits futurs espoux avec tous leurs droits noms raisons et actions qu ils ont de present et qui leur pourront advenir et echeoir tant par succession donation qu'autrement Sera douée la future espouse du douaire coutumier ou de la somme de cinq cent livres de douaire prefix pour une fois payer a son choix Le preciput esgal et reciproque entre lesdits futurs espoux de la somme de trois cent livres a prendre par le survivant sur les biens de la communaute hors part Car ainsy et promettant et obligeants et renoncant et faict et passé audit Quebecq en la demeure de la dite future espouse a la haute ville apres midy le vingtiesme jour de septembre mil six cent quatre deux es presence de maître Nicolas huissier en la ditte prevosté et de Jacques Meneu demeurant audit Quebecq tesmoings qui ont avec les partyes et Lefebvre Battenville et notaire signé et lesdits amys declaré ne scavoir escrire ny signer de ce interpelles suivant l ordonnance Estienne Jellineao Battenville Marie de Beauregard Metru Jacque Menu Rageot
Mariage
12 oct 1682
Québec Basilique Notre-Dame, région 03, Québec [4]